“Profi University” tarixi

Bir paytlar uchta xonadan  iborat kichik bir o‘quv markazi sifatida tashkil qilingan "Profi Education" hozirga kelib xususiy bog‘cha, maktablar, o‘quv markazlari tarmog‘iga aylandi. 2021-yil dekabr oyida kompaniya yangi marra - universitet tashkil etishga erishdi. Aslida o'sha vaqtda maqsad yangi maktabgacha taʼlim muassasalari va maktablar tashkil etish uchun kadrlar tayyorlash masalasi edi.

Oradan bir yil o'tib, "Profi university"ning litsenziyasi Vazirlar Mahkamasi qoshidagi Ta'lim sifatini nazorat qilish davlat inspeksiyasi tomonidan qayta yangilandi. Endilikda universitet ikki shaharda - Toshkent va Navoiy shaharlarida faoliyat olib bormoqda. O'z yo'nalishlarini esa yana yangi sohalar bilan ham to'ldirdi. Bu esa "Profi University"ning oliy maqsadini amalga oshirishni boshlash uchun tamal toshi bo'lib xizmat qildi. "Profi university"ning oliy maqsadi - ta'lim orqali har tomonlama tanqidiy fikrlay oladigan o'z bilimi va salohiyati bilan o'zining va atrofdagilarining hayotini yaxshilay oladigan kadrlarni tayyorlashdir. Hozirgi kunda universitetda 9000 dan ortiq talaba tahsil olmoqda. Abituriyentlar universitetga imtihon asosida qabul qilinadi.